‘मुटुका लागि योग’ भन्ने नारासहित पाँचौं अन्तराष्ट्रिय योग दिवस शुक्रबार देशभर मनाइएको छ । योग दिवसकै अवसरमा उपराष्ट्रपति नन्दबहादुर पुन, पूर्वप्रधानमन्त्री बाबुराम भट्टराईले योग गरेका तस्बिर सामाजिक सञ्जालमार्फत सार्वजनिक भएका छन् ।
पतञ्जली योग समिति चितवनले गरेको योग कार्यक्रममा उपराष्ट्रपति पुन सहभागी भए । प्रदेश २ को राजधानी जनकपुरमा पनि भारतीय दूतावासको आयोजनामा योग दिवस मनाइएको छ । जनकपुरमा आयोजित कार्यक्रममा मुख्यमन्त्री लालबाबु राउतलगायतले योगाभ्यासमा सहभागी बने ।
यस्तै पूर्वप्रधानमन्त्री भट्टराईले पनि निवासमै योग गरेका केही तस्बिर सार्वजनिक गरे । साथै उनकी पत्नी तथा पूर्वपर्यटनमन्त्री हिसिला यमिले पनि योग गरेका तस्बिर सार्वजनिक गरेकी छन् ।
