नेपाली मूलका डा. जगन्नाथ शर्मा बेलायतको कोलबर्न टाउन काउन्सिलको मेयरमा निर्वाचित भएका छन् ।
पर्वतको बिहादीमा जन्मिएका शर्मा बेलायतको राजनीतिमा लामो समयदेखि सक्रिय छन् । उनी नर्थ योर्कसायरको कोलबर्न टाउन काउन्सिलको मेयरमा दुईतिहाइ मत प्राप्त गर्दै निर्वाचित भएका हुन् ।
शर्मा स्थानीय काउन्सिलरहरुबीचको चुनावबाट निर्वाचित भएका हुन् ।
उनी यसअघि सो क्षेत्रमा तीनपटक काउन्सिलर र उपमेयरमा निर्वाचित भएका थिए ।
