सरकारले आज सार्वजनिक बिदा दिएको छ ।सोमबार बसेको मन्त्रिपरिषद बैठकले कतारका राजा आज नेपाल भ्रमणमा आउने दिन सार्वजनिक बिदा दिने निर्णय गरेको सरकारका प्रवक्ता समेत रहेकी सञ्चार तथा सूचना प्रविधिमन्त्री रेखा शर्माले जानकारी दिइन् ।
कतारका अमिर (राजा) शेख तमिम बिन हमाद अल थानी दुई दिने नेपाल भ्रमणका लागि मंगलबार नेपाल आउँदैछन् ।विदेशी राष्ट्र प्रमुख नेपाल भ्रमणमा आउँदा यसअघि पनि सरकारले सार्वजनिक बिदा दिने गरेको थियो ।