श्रावण शुक्ल पञ्चमीका अवसरमा आज नाग पञ्चमी पर्व मनाइएकाे छ।
प्रत्येक वर्ष श्रावण शुक्लपञ्चमीका दिन नागपञ्चमीलाई पर्वका रूपमा लिँदै नागलाई देवताका रूपमा पूजा गर्ने प्रचलन छ। घरको मूलद्वारमा नागको चित्रमा दही, दूबो, लावासहित चन्दन, अक्षता, नैवेद्य, धुपदीप गरी विधिपूर्वक पूजा गर्ने चलन छ।
यसरी घरघरमा नागका तस्बिर टाँस्नाले मेघ, सर्प र अग्निको भय नहुने विश्वास छ।नागपञ्चमीका अवसरमा काठमाडौं नक्सालको नागपोखरी, कर्कोटक नागको वासस्थानका रूपमा परिचित काठमाडौंकै टौदह, ललितपुर धापाखेलको नागदह, भक्तपुरको सिद्धपोखरी, पनौतीलगायत मन्दिरहरूमा पूजा गर्न भक्तजन पुग्ने गर्दछन्। नाग जलस्रोतका संरक्षक हुन्।
नागपाेखरीमा भएकाे नाग पूजाका केही तस्वीर हेराैं।
