प्रदेश ५ ट्राफिक प्रहरीले दुर्घटना न्युनिकरणको अभियान शुरु गरेको छ। समान्य जनचेतना र प्रहरी सक्रियताले दुर्घटनामा कमी आउने विश्वासका साथ प्रहरीले साताव्यापी कार्यक्रम घोषणा गरेको हो। जुन अभियानमा प्रहरीले ‘ठाउँको ठाउँ सुधारदेखि तिब्र गति नियन्त्रण गर्ने सम्मका कार्यक्रम छन्
दुर्घटना दर प्रतिमहिना ८७ लाई घटाएर ५० मा ल्याउने, घाइते हुने दर प्रतिमहिना ७ सय ।२ जनाबाट पाँच सयमा ल्याउने र मृत्युदर प्रतिमहिना ४८ जनाबाट ३० जनामा झार्ने लक्ष्य रहेको ५ नं. प्रदेश ट्राफिक प्रहरी कार्यालय बुटवलका प्रमुख प्रहरी उपरीक्षक गणेश चन्दले बताए।
कार्यक्रम अवधिमा बजार चोक क्षेत्रमा सवारी चालकलाई गति नियन्त्रण गराउने, पैदल यात्रुलाई जेब्रा क्रसबाट मात्र बाटो काट्न लगाउने, सवारी साधनलाई सडकको दाहिने किनारबाट हिँड्न लगाउने, चालकलाई मोबाइल फोन प्रयोग नगर्न, सिट क्षमता भन्दा बढी यात्रु नराख्न, हेलमेट तथा सिट बेल्टको प्रयोग गर्न, व्यवस्थित पार्किंङ गर्न, सवारी साधनमा फोहोर राख्ने डस्टबिन राख्न लगाइने चन्दले बताए।
यस्तै, ट्राफिक जनचेतनासम्बन्धी पर्चा पम्प्लेट वितरण, पैदल यात्री तथा सर्वसाधारणलाई सडक प्रयोग गर्ने बिधि सिकाउने, सवारी दुर्घटना तथा क्षति न्युनीकरण, सुधार एवं प्रवद्र्धन २०७६ समिति गठन र कार्यक्रमको तर्जुमा लगायत गतिविधि गरिनेछन् ।
प्रदेश ट्राफिक प्रहरी कार्यालयका अनुसार चालु आर्थिक वर्षको ८ महिनामा प्रदेश ५ का जिल्लामा ६ सय ९७ सडक दुर्घटना भएका छन्। जसमा ३ सय ८४ जनाको ज्यान गएको र ६ सय ४२ जना गम्भीर घाइते भएका छन्। सबैभन्दा बढी दुर्घटना रुपन्देहीमा भएका छन्।
ट्राफिक प्रहरीले यसअघि दुर्घटना न्यूनीकरणकै लागि तीव्र गति नियन्त्रण गर्न राडार गनको प्रयोगबाट सवारीसाधनको गति मापन, जथाभावी पार्किङ रोक्न ‘चेन लक’ अभियान, लामो दुरीमा दुईजना चालक अनिवार्य, ट्राफिक कम्युनिकेसन एप्लिकेसन प्रयोग, राजमार्गहरुमा रिफ्रेस सेन्टर सञ्चालन जस्ता कार्यक्रम गर्दै आएको प्रदेश ट्राफिक प्रहरी प्रमुख चन्दले बताए।