काठमाडौंको कपनमा एकजना महिलाको हत्या भएको छ।
कपनको तेन्जिङ चोक नजिकैको घरमा डेरा गरी बस्ने कपिलवस्तुकी ५५ वर्षीय कमला कार्की आफ्नै कोठाभित्र मृत अवस्थामा फेला परेकी हुन्।
हात र मुख सलले बाँधिएर मृत अवस्थामा ती महिला फेला परेको महानगरीय प्रहरी वृत्त बौद्धले जनाएको छ। बौद्धका एक प्रहरी अधिकृतले भने ‘मृत्यु शंकास्पद देखिएको छ।’
कार्की हत्याको घटनाको अनुसन्धानका क्रममा प्रहरीले एकजना महिला र एकजना पुरुषलाई नियन्त्रणमा लिएको छ। श्रीमानसंग कार्कीको सम्बन्ध बिच्छेद भएकोले उनी कोठमा अर्कै व्यक्तिसंग बस्ने गरेको बताइएको छ।
