प्रदेशसभा र प्रतिनिधिसभाको निर्वाचन सम्पन्न भएसँगै दलहरू नयाँ सरकारकाे जाेडघटाउमा लागिरहँदा कूटनीतिक सक्रियता बढ्न थालेकाे छ ।यहीबेला भारतीय राजदूत नवीन श्रीवास्तवको दौडधुप बढेको छ । अमेरिकी राजदूत डिन थम्पसनले पनि राजनीतिक दलका शीर्ष नेताहरूसँगको भेटघाटलाई तीव्र बनाएका छन् ।नेपालको आन्तरिक मामिलामा भारतको हस्तक्षेप हुन्छ भन्ने गरिएकाले भारतीय राजदूतको सक्रियताले त्यसलाई पुष्टि गरेकाे छ ।
निर्वाचनको मतगणना जारी रहेकैबेला राजदूत श्रीवास्तवले प्रधानमन्त्री शेरबहादुर देउवासँग गरेका थिए । कांग्रेस ठूलाे पार्टी बन्ने निश्चित हुँदा राजदूत श्रीवास्तवले भेट गरेर सरकार निर्माणकाे बारेमा चासाे लिएका थिए ।
राजदूत श्रीवाट्ठतवकाे सक्रियताकाे आलाेचना भइरहँदा बुधबार एमाले अध्यक्ष केपी शर्मा ओलीसँग उनकै निवास बालकोट पुगेर भेटवार्ता गरेका छन् ।ओलीसँग राजदूत श्रीवास्तवले चुनावमा विजयी भएको बधाई दिएका थिए भने नयाँ सरकार गठनका विषयमा समेत चासो राखेका थिए ।श्रीवास्तवले एमाले अध्यक्ष ओलीलाई भेट्न जानुअघि बुधबार नै उपराष्ट्रपति नन्दबहादुर पुनसँग समेत भेट गरेका थिए । राजदूत श्रीवास्तवले यसअघि प्रधानमन्त्री देउवालाई मात्रै दुईपटक र माओवादी केन्द्रका अध्यक्ष पुष्पकमल दाहाल प्रचण्डसँग एकपटक भेट गरिसकेका छन् ।
भारत पूराना दलहरू नै मिलेर सरकार बनाेस् भन्ने पक्षमा देखिएकाे छ ।बिहीबार नै अमेरिकी राजदूत डिन थम्पसनले नेकपा एकीकृत समाजवादीका अध्यक्ष माधवकुमार नेपालसँग भेटवार्ता गरेर पछिल्लाे राजनीतिक अवस्था र सरकारमा सहभागिताकाे बारेमा जिज्ञासा राखेका थिए ।मत घाेषणा सम्पन्नसँगै अहिले राजनीतिक दलहरूबीच सत्ता समीकरण र नयाँ सरकार गठनका विषयमा छलफल हुन थालेकाे छ ।
