पछिल्लो समय चर्काे आलोचना खेप्दै आएको बतास अर्गनाइजेशनले आफूसँगको सम्झौता रद्द गर्न सरकार स्वतन्त्र रहेको बताएको छ ।खासगरी नारायणहिटी दरबार संग्राहलयमा रेष्टुरेन्ट बनाउन दिएको विषयले बतासलाई विवादमा तानेकाे हो ।
ठूला योजनाको काम गरिरहेको बतासले समूहले एक विज्ञप्ति जारी गर्दै सरकार आफूसँग कानुनी रुपमा गरेका सम्झैताहरु रद्द गर्न स्वतन्त्र रहेको बताएको हो ।
तर सम्झैता रद्द गर्दा आफ्नो लगानी र त्यसका उचित क्षतिपूर्ति दिनुपर्ने उसको भनाई छ ।बतास अर्गनाइजेशन इमान्दारीता, नैतिकता र आचरणमा सम्झौता नगर्ने संस्था भएको पनि दावी गरिएको छ ।
विभिन्न समाचार माध्यमहरुमा प्रकाशित प्रसारित समाचारहरुले अनर्गन, आफूहरुलाई खल पात्रका रुपमा प्रमाणित गराउन आएको भन्दै त्यसप्रति आपत्तिसमेत जनाइएको छ ।
समाचार प्रकाशन प्रसारण गर्नुअघि कुनैपनि समाचार माध्यमहरुले आफूहरुसँग उक्त विषयमा सोधखोजन नगरीकन एकतर्फी समाचर लेखिएको भन्दै बतासले विज्ञप्तिमार्फत असन्तुष्टि जनाएको छ ।
उसले बिज्ञप्तिमार्फत विवादित प्रत्येक योजनाहरुका बारेका प्रष्ट पार्ने प्रयाससमेत गरेको छ । संस्कृति, पर्यटन तथा नागरिक उड्ययन मन्त्री प्रेम आलेको निर्देशनमा संग्राहलयमा बतास कम्पनीले ठेक्का पाएर निर्माण गरिरहेको रेष्टुरेन्टका संरचना धमाधम भत्काइएको छ।
