नेपाल आर्थिक पत्रकार समाज (सेजन) को अध्यक्षमा सुजन ओली निर्वाचित भएका छन्।
सेजनको शनिबार राजधानीमा सम्पन्न २५ औं वार्षिक साधारण सभा तथा अधिवेशनबाट ओलीको नेतृत्वमा नयाँ कार्यसमिति निर्वाचित भएको हो।
ओली ९९ भोट ल्याएर निर्वाचित भएका हुन्। उनका निकटतम प्रतिद्वन्दी शिरोमणि ढुंगानाले ९६ मत प्राप्त गरे। उपाध्यक्षमा विनय वञ्जरा निर्वाचित भए। वञ्जाराले १३५ मत ल्याएर निर्वाचित भए। उनका प्रत्यासी भागवत भट्टराईले ११५ मत प्राप्त गरे।
सेजनको महासचिवमा विश्वास रेग्मी निर्विरोध निर्वाचित भएका छन्। सचिवमा सोभित थपलिया र कोषाध्यक्षमा अच्युत पुरी निर्वाचित भएका छन्। सेजन सदस्यहरूमा केशु लामिछाने, हेमन्त जोशी, ममता थापा, वि सापकोटा र वसन्तराज उप्रेती निर्वाचित भएका छन्।सेजनमा कार्यसमितिको कार्यकाल दुई वर्षको हुन्छ।
