नेपाली बजारमा सुनचाँदीको भाउ घटबढ भइरहनु सामान्य हो । साताको अन्तिम दिन आज शुक्रबार नेपाली बजारमा सुनचाँदीको मूल्य घटेको छ । नेपाल सुनचाँदी व्यवसायी महासंघका अनुसार आज सुन प्रतितोला २ सय रुपैयाँ र चाँदी प्रतितोला ५ रुपैयाँ घटेर कारोबार भइरहेको छ । हिजो बिहीबार भने सुन प्रतितोला ६ सय रुपैयाँले बढेको थियो भने चाँदी भने प्रतितोला १० रुपैयाँले बढेको थियो ।
महासंघका अनुसार आज छापावाल सुन प्रतितोला ७१ हजार ८ सय रुपैयाँमा कारोबार भइरहेको छ । हिजो बिहीबार भने ७२ हजार रुपैयाँमा कारोबार भएको थियो । अस्ति (बुधबार) भने छापावाल सुन प्रतितोला ७१ हजार ४ सय रुपैयाँमा कारोबार भएको थियो ।
यस्तै तेजाबी सुन प्रतितोला ७१ हजार ५ सय रुपैयाँमा कारोबार भइरहेको छ । हिजो (बिहीबार) भने ७१ हजार ७ सय रुपैयाँमा प्रतितोलामा तेजाबी सुनको कारोबार भएको थियो । सुन अघिल्लो दिनको तुलनामा आज प्रतितोला २ सय रुपैयाँले घटेको हो ।
चाँदीको भाउ भने प्रतितोला ५ रुपैयाँ मात्र घटेको छ । बिहीबार ८ सय ६० रुपैयाँ प्रतितोलामा कारोबार भएको चाँदीको भाउ आज भने प्रतितोला ८ सय ५५ रुपैयाँ कायम रहेको महासंघले जनाएको छ । बिहेको लगनको समय आउन थालेकासँगै उपभोक्ताहरुले पनि सुनचाँदी घटेको मौका हेरेर कारोबार गर्ने व्यवसायीहरुको अनुभव छ ।
