दिपा शाही एक्लैले ४ गोल गर्दा नेपाली यू-२० महिला राष्ट्रिय फुटबल टोलीले एएफसी यू-२० महिला एसियन कप छनोटमा सानदार जित दर्ता गरेको छ ।फैसल अल हुसेइनी रंगशालामा बुधबार साँझ सम्पन्न खेलमा नेपालले घरेलु टोली प्यालेस्टाइनलाई ६-०ले पराजित गर्यो ।
खेलको २१ औं मिनेटमा दिपाले नेपाललाई अग्रता दिलाएकी थिइन् । गरिमाले २९ औं मिनेटमा उक्त अग्रता दोब्बर पारिन् । दीपाले त्यसपछि ६७ र ७५ औं मिनेटमा गोल गर्दै व्याक्त्तिगत ह्याट्रिक पूरा गरिन् । गरिमाले ८२ औं मिनेटमा अर्को गोल थप्दा दिपाले ८५ औं मिनेटमा गोल थप्दै ६-० को जित पक्का गरिन् ।
नेपालले अब दोस्रो खेलमा आइतबार नर्दर्न मारियाना आइल्यान्ड्सको सामना गर्नेछ । तीन टोली सम्मिलित यस समूहको विजेता उज्बेकिस्तानमा सन् २०२४ मा हुने एएफसी यू-२० महिला एसियन कपका लागि छनोट हुनेछ ।
