इंग्लिस प्रिमियर लिगको नयाँ सिजन आजदेखि शुरु हुँदैछ। लिभरपुलको घरेलु मैदानमा एनफिल्डमा हुने उद्घाटन खेलमा लिरभपुलले नर्विच सिटीसँग खेल्ने छ।
लिभरपुल गत संस्करणकाे उप विजेता हाे भने नर्विच यसै सिजनमा बढुवा भएकाे क्लव हाे। लिभरपुल गत सिजन मात्र एक अंकले पछाडि परेपछि उपाधि म्यानचेष्टर सिटीले जितेको थियो। तर च्याम्पियन्स लिगमा लिभरपुलले टोटेनहमलाई हराउँदै उपाधि जितेको थियो।
लिभरपुलका फरवार्ड साडियो माने प्रि सिजनमा उपलब्ध नभए पनि नयाँ सिजनको पहिलो खेलमा मैदान उत्रनेछन्। जेम्स मिल्नरले चोटका कारण कम्युनिटी शिल्डको खेल गुमाए पनि अब मैदान फर्कन मिल्ने अवस्थामा छन्।
