भारतमा आयोजना हुने क्षयरोग सम्बन्धी सम्मेलन सहभागी हुन स्वास्थ्यमन्त्री मोहन बहादुर बस्नेत त्यसतर्फ प्रस्थान गरेका छन्।
भारतको गुजरातमा आयोजना हुने क्षयरोग सम्बन्धी डव्लुएचओको सम्मेलनमा सहभागी हुन स्वास्थ्यमन्त्री बस्नेत मंगलबार साँझ त्यसतर्फ प्रस्थान गरेका हुन्। सन् २०३० क्षयरोग महामारी अन्त्य गर्ने अन्तराष्ट्रिय राजनीतिक प्रतिवद्धतामा नेपालले पनि सहमति जनाएकाले सम्मेलन महत्वपूर्ण हुने मन्त्री बस्नेतले जानकारी दिए।
सम्मेलन सम्मेलन अगस्त १६ र १७ तारिकमा हुने उनले बताए। त्यस्तै भारत भ्रमणका क्रममा आयुर्वेध चिकित्सा पद्धति सम्बन्धी ग्लोबल सम्मेलन र वान अर्थ वान हेल्थ सम्मेलनमा समेत सहभागीता जनाउने मन्त्री बस्नेतले बताए। सो क्रममा डब्लूएचओको क्षेत्रीय निर्देशकमा उम्मेदवारी दिन लागेका डा. शम्भु आचार्यको पक्षमा मत माग्ने उनले बताए।
