नेकपा (एमाले) झापाका अध्यक्ष दीपक कार्कीको गौरादह नगरपालिका–३ स्थित घरको प्रवेशद्वारमा शङ्कास्पद वस्तु फेला परेको छ ।
आज बिहान ५ः३० बजेतिर प्रवेशद्वारको अगाडि तारले जडित प्रेसर कुकर देखेपछि प्रहरीलाई खबर गरेको अध्यक्ष कार्कीले बताए। शङ्कास्पद वस्तु डिस्पोज गर्नका लागि चारआलीस्थित नेपाली सेनाको टोलीलाई बोलाइएको दमक इलाका प्रहरी कार्यालयका प्रहरी नायब उपरीक्षक दिलीप गिरीले जानकारी दिए ।
शङ्कास्पद वस्तु कसले राखेको हो भन्ने बारेमा अनुसन्धान भइरहेको गिरीले बताए ।गौरादह चोक नजिक बाक्लो बस्ति रहेको ठाँउमा शंकाश्पद तवरले राखिएको प्रेसर कुकरले स्थानीयहरु त्रसित भएका छन् ।
शंकाश्पद रुपमा राखिएको तार जडित प्रेसर कुकरमा विस्फोटक पदार्थ हुनसक्ने भएकाले अहिले उक्त क्षेत्रलाई प्रहरीले नियण्त्रणमा लिएको जनाईएको छ ।