७१ औं प्रजातन्त्रको अवसरमा कपिलवस्तु कारागारबाट ९ कैदी रिहा भएका छन्। कारागारबाट राम्रो चालचलन भएका कैदीहरुलाई रिहा गरिएको हो।
विभिन्न मुद्दामा सजाय कटिरहेका अदालतद्वारा तोकिएको ५० प्रतिशत सजाय भुक्तान गरेका कैदीहरुलाई कारागार ब्यवस्थापन बिभागको आदेशमा रिहा गरिएको कारागारका जेलर राकेश पाण्डेले बताए।
देशभरका ८ सय ७६ कैदीलाई दिवसकै अवसरमा विभागले रिहा गर्न आदेश दिएको थियो। रिहा हुनेहरुमा कर्तव्याज्यान मुद्दका ५, ज्यान मार्ने उद्योगका एक, सवारी ज्यान मुद्दाका एक, सवारी ज्यान र गौबधका एक तथा चोरी मुद्दाका एक जना छन्। रिहाईका लागि कैदीको चालचलन, कैद भुक्तान अवधिलाई आधार बनाईएको थियो। रिहाई हुने कैदीहरुलाई घरमा लैजान कारागार परिसरमा आफन्तहरुको भीड लागेको थियो।
कैद अवधि बाँकी छदै रिहा भएका कैदीहरु निकै खुशी देखिन्थे। जलेर पाण्डेले अनुशासित कैदी रिहा भएकोमा आफुलाई पनि संतुष्टी मिलेको बताए।