कपिलवस्तुको एक विद्यालयमा बालिकामाथि यौनदुव्र्यवहार गर्ने प्रिन्सिपल पक्राउ परेका छन्।
बुद्ध ज्ञान ज्योती इङ्लिस बोर्डिङ स्कुल बुद्धभुमि नगरपालिका वडा नंंं १० भगवानपुरका प्रिन्सिपल एम खानलाई इलाका प्रहरी कार्यालय गोरुसिङ्गेले मङ्गलवार पक्राउ गरेको हो।
खानलाई स्थानीयले विद्यालयबाटै नियन्त्रणमा लिई इलाका प्रहरी कार्यालय गोरुसिङ्गेमा खवर गरेका थिए। गोरुसिङ्गेका प्रहरी निरीक्षक कृष्ण राना मगरका अनुसार खानलाई यौन दुव्र्यवहारको विषयमा म्याद थप गरी अनुसन्धान भइरहेको छ। खान कपिलबस्तु नगरपालिका १ मालटोल बस्दै आएका थिए।
खानले कक्षा ३ की ११ वर्षीया वालिकामाथि यौनदुव्र्यवहार गरेका प्रहरीको भनाई छ। प्रिन्सिपलले वालिकाहरुलाई आफ्नो कार्यकक्षमा बोलाएर भित्री बस्त्र खोल्न र आफ्नो गोप्य अङ्गमा समाउने जस्ता कार्य गर्न लगाएको जिल्ला प्रहरी कार्यालय कपिलबस्तुका प्रहरी उपरीक्षक नवराज अधिकारीले बताए।
बालिकाकी आमाले खानलाई पक्राउ गर्न ईलाका प्रहरी कार्यालय गोरुसिंगेको जाहेरी दिइएको प्रहरीले बताएको छ। खानलाई पक्राउ गरी बाल यौनदुराचारको मुद्धा दर्ता गरिएको छ। उनमाथि जिल्ला अदालत कपिलवस्तु बाट ५ दिनको म्यादथप गर अनुसन्धान भइरहेको प्रहरी नायब उपरीक्षक धर्मराज भण्डारीले बताए।
ती वालिकाले शनिवार मात्र आमासँग घटनाको बारेमा बताएकी थिइन्। घटना लुकाउनका लागि खानले डर त्रास देखाउँदै आएका थिए।
