प्रदेश १ सभाको उपसभामुखमा नेकपा एमालेकी सिर्जना दनुवार निर्वाचित भएकी छन्। उनी ५७ मत ल्याएर निर्वाचित भएकी हुन्।
नेकपा एकीकृत समाजवादीको समर्थन पाएकी कांग्रेसकी लीलाकुमारी राईले ३३ मत ल्याइन्। दनुवार र राई दुवै उदयपुरको त्रियुगा नगरपालिका वडा नम्बर ९ का हुन्। दुवै समानुपातिक निर्वाचित सांसद हुन्।
प्रदेश सभामा एमालेका ४०, कांग्रेसको २९, नेकपा माओवादी केन्द्रका १३, राप्रपाका ६, नेकपा एकीकृत समाजवादीका ४ र जसपाका १ सदस्य गरी ९३ सदस्य रहेका छन्।