लुम्बिनी प्रदेशका स्वास्थ्य राज्यमन्त्री विमला वलीलाई प्रहरीले नियन्त्रणमा लिएको छ । दाङको तुलसीपुरमा एक महिलामाथि कुटपिट गरेको भन्दै प्रहरीले मङ्गलबार बिहान उनलाई नियन्त्रणमा लिएको हाे।
इलाका प्रहरी कार्यालय तुलसीपुरका प्रहरी निरीक्षक रञ्जन स्वाँरका अनुसार राज्यमन्त्री वलीले तुलसीपुर उपमहानगरपालिका–५ की मीना भण्डारीलाई हातपात गरेकी थिइन् । घरमै पुगेर उनले भण्डारीलाई हातपात गर्दा विवाद भएपछि प्रहरीले राज्यमन्त्री वलीलाई नियन्त्रणमा लिएको थियो ।
महिलामाथि किन हातपात गरेको भन्ने विषय यकिनसाथ खुल्न सकेको छैन । राज्यमन्त्री वलीलाई नियन्त्रणमा लिएर घटनाबारे सोधपुछको काम भएकाे प्रहरीले जनाएकाे छ ।