गोकर्णेश्वर नगरपालिकाको नगरप्रमुख पदमा नेपाली कांग्रेसका दीपक रिसाल विजयी भएका छन् । वैशाख ३० गते भएको स्थानीय तह निर्वाचनको आज सम्पन्न मतगणनामा रिसाल विजयी भएका हुन् ।
नगरप्रमुख रिसालले नौ हजार ६९२ मत पाई विजयी भएकाे नगर निर्वाचन अधिकृत रञ्जु गौतमले जानकारी दिइन् । उनका निकटतम प्रतिद्वन्द्वी नेकपा एमालेका उद्धव विष्टले आठ हजार ५०४ मत पाए ।
उपप्रमुखमा भने एमालेकी सान्नानी लामा विजयी भइन् । उनले आठ हजार ८०४ मत पाइन्। लामाकी निकटतम प्रतिद्वन्द्वी कांग्रेसकी शान्ति नेपालले आठ हजार ६७१ मत पाइन् ।
९ वटा वडा मध्ये १,२,३,६ र ७ मा एमाले विजयी हुँदा नेपाली कांग्रेसले ५,८ र ९ मा जित हात पारेको छ । त्यस्तै वडा नं ४ मा भने स्वतन्त्र उम्मेदवार विजयी भएका भए । यसअघिको निर्वाचनमा वडा नं २ बाहेक मेयर उपमेयरसहित सबै वडामा नेपाली कांग्रेस निर्वाचित भएको थियो । यसपटक गोकर्णेश्वर नपामा कांग्रेसले आधीजसो पकड गुमाएको छ ।