प्रधानमन्त्री केपी शर्मा ओलीले बढ्दै गरेको कोरोना संक्रमणप्रति सजक रहन केही नयाँ टिप्स् दिएका छन् । काठमाडौंंमा बिहीबार आयोजित एक कार्यक्रममा प्रधानमन्त्री ओलीले तातोपानीले नस लिन र अम्बाको पात उमालेर गारगल गर्न विशेष सुझाव दिएका छन् ।
कोरोना पहिले गएर नाकमा बस्ने हुँदा तोतोपानीले नसलिँदै सफा गर्ने र अम्बाको दुइवटा पात उमालेर गारगल गर्ने गरेमा नाक र घाँटीमा बसेको कोरोना पनि चट हुने प्रधानमन्त्री ओलीले दावी गरे । प्रधानमन्त्री ओलीले आफू आयुर्वेदिक विशेषज्ञ हुँ जसरी सुझाव दिइरहँदा कार्यक्रममा उपस्थित व्यक्तिहरुमा हाँसो उठेको थियो । यसअघि प्रधानमन्त्री ओलीले बेसारपानी खाने गरेमा कोरोना नहुँने टिप्स् दिएका थिए । यो टिप्स् अहिले पनि उत्तिकै चर्चित छ ।
प्रधानमन्त्री ओलीले कोरोना भाइरसको जोखिम बढेकाले सावधानी अपनाउनुपर्ने भन्दै भयावह अवस्था आए देशै ठप्प पार्ने अवस्था आउन सक्ने बताए ।कोभिडलाई चान्स नदिउ भन्दै प्रधानमन्त्री ओलीले सबैलाई माक्स लगाउन र डिस्ट्यान्स मेन्टेन गर्न आग्रह गरे । यसो भनिरहँदा प्रधानमन्त्री ओली आफैं भने सयौंं मान्छेको भिडमा बिना मास्क बोलिरहेका थिए ।
बिहीबार काठमाडौंमा नेपाल चेम्बर अफ कमर्सको ७०औँ साधारणसभा उद्घाटन गर्दे प्रधानमन्त्री ओलीले मुलुक समृद्धिको बाटोमा रहेको र सरकार राष्ट्र निर्माणको अभियानमा रहेको बताएका छन् ।
धेरै बिग्रिएको देशलाई ट्रयाकमा ल्याउन केही समय लाग्ने भन्दै लुक समृद्धिको बाटोमा रहेको बताए । सरकारले एउटा क्षेत्रको विकासमा मात्रै ध्यान नदिएको, हरेक क्षेत्रको विकासमा ध्यान दिइएको उनले बताए । सरकार अल्पकालीन र दिर्घकालीन बिकासको गतिमा अघि बढेको पनि धारणा राखे प्रधानमन्त्री ओलीले मुलुकको बिकासको अभियानमा राजनीतिकर्मी र व्यापारीलाई इमानमा हिँड्न आग्रह पनि गरे ।
७० वर्षको इतिहास बोकेको चेम्बर निजी क्षेत्रको ‘पायोनियर संस्था’ भएको उल्लेख गर्दै उनले देश विकासका लागि उद्योग क्षेत्रलाई अगाडि बढाउन जे जे आवश्यक छ, सरकार ती सबै काम गर्न तयार रहेको उल्लेख गरे । नेपालले अब आयातलाई भन्दा निर्यातलाइृ बढावा दिनुपर्ने र आवश्यक उत्पादन नेपालमा नै गर्नुपर्नेमा जोड दिए ।
फरक प्रसँगमा उनले पार्टीमा दुई अध्यक्ष हुँदा सरकार र पार्टी सञ्चालमा समस्या भएको भन्दै व्यवधानलाई पन्छाउदै अघि बढेको जिकिर गरे ।
प्रधानमन्त्री ओलीले कोभिड–१९ ले नेपालको अर्थतन्त्रलाई धेरै धक्का नदिएको बताए । त्यस्तै नेपाल चेम्बर अफ कमर्सका अध्यक्ष राजेशकाजी श्रेष्ठले आर्थिक समृद्धिका लागि सरकार र निजी क्षेत्र एक हुनुको विकल्प नभएको बताए । कार्यक्रममा बिभिन्न व्यक्तिहरुलाई सम्मान गरिएको थियो ।