नेपाली कांग्रेसका वरिष्ठ नेता रामचन्द्र पौडेलले सर्वोच्चको फैसलापछि सत्यको जित भएको बताएका छन्।
प्रतिनिधिसभा विघटन गर्ने सरकारको निर्णयबिरुद्ध परेको मुद्धाको सुनुवाई गर्दै सर्वोच्चले पुनःस्थापनाको फैसला गरेपछि पपौडेलले यस्तो प्रतिक्रिया दिएका हुन्।
स्पेसखबरसँग कुरा गर्दै पौडेलले यसबाट सत्यको जित भएको बताए। उनले यसबाट मुलुकलाई ठूलो दुर्घटना हुनबाट जोगिएको उल्लेख गरे। यसबाट न्यायालयप्रति जनताको विश्वास बढेको भन्दै पौडेलले न्यायमूर्तिलाई विशेष धन्यवाद दिए।
उनले सर्वोच्चको फैसलासँगै प्रधानमन्त्री केपी शर्मा ओलीले सत्तामा बस्ने नैतिक आधार गुमाएको बताए।