नेपाल कम्युनिस्ट पार्टी (नेकपा) प्रचण्ड–माधव पक्षले ६५ जिल्लाकाे नेतृत्व चयन गरेको छ ।प्रचण्ड–माधव पक्षले ९ बुँदे मापदण्ड बनाएर बराबर हैसियतमा संगठनमा नेतृत्व लिने सहमति गरेको भोलिपल्ट जिल्लाहरूमा नेतृत्व चयन गरेका हुन्।
बाँडफाँट अनुसार पूर्व माओवादी पक्षले ३५ जिल्लामा र पूर्व एमालेले ३३ जिल्लामा नेतृत्व लिएका छन्। प्रचण्ड–माधव समूहले आइतवार मात्रै पार्टीको सङ्गठनात्मक संरचना आधा आधा भागबण्डा लगाएका थिए। सो समूहले काठमाडौैं, ललितपुर र भरतपुर महानगरपालिकाको अध्यक्ष र सचिवको पनि टुंगो लगाएको छ । अब दाहाल नेपालले जिल्ला इन्चार्ज र सह इन्चार्ज चयन गर्नेछन्।
बाँकी रहेका विभिन्न नौ जिल्लामा प्रदेशका पदाधिकारीहरूले परामर्श गरेर यथाशीघ्र नाम सिफारिस गर्ने नेकपा प्रचण्ड–माधव पक्षले जानकारी दिएको छ नेकपा राजनीतिक रूपमा विभाजन भएकाे देखिए पनि कानुनी रूपमा विभाजन भएकाे छैन ।
कुन जिल्लामा कसको नेतृत्व?