प्रतिनिधिसभा विघटन भएपछि प्रमुख सत्तारुढ दल नेकपा अहिले प्रष्टसँग दुई समूहमा बाँडिएको छ । एउटा समूह सरकारमा छ भने अर्को सडकमा ।
नेपाली जनताले पाँच वर्ष विपक्षमा रहन म्यान्डेड दिएको नेपाली काँग्रेस अहिले दुवै समूहको तानातानमा परेको छ । यतिखेर काँग्रेसले देश र जनतालाई केन्द्रमा राखेर काम गर्नुपर्ने बेला आएको छ । उसले जनताबाट पाएको मतको कदर र सम्मान गर्दै कसैको लोभमा फस्न हुन्न ।
कांग्रेसले बरु कम्युनिस्टका हर्कत र काण्डहरुको पर्दाफास गर्दै संगठन विस्तारमा लाग्नुपर्छ । हिजोको दिनमा पुष्पकमल दाहालले कांग्रेसलाई धोका दिएकै हुन् ।देशले जिम्मेवार अभिभावक खोजीका बेला कांग्रेसले प्रजातन्त्रप्रतिको आफ्नो अडानलाई दरिलोसँग राख्नुपर्ने हो तर उसमा कुनै ठोस योजना देखिदैन ।
विगतका गल्ती र कमजोरी सच्याए मात्रै कांग्रेसले लोकतन्त्रको रक्षा गर्न सक्छ । देशको हित र समृद्धिको नेतृत्व गर्ने जिम्मा कांग्रेसको काँधमाआएको छ ।
ज्योतिषीको भविष्यवाणीतिर होइन अहंकारलाई त्यागेर गुटरहित कांग्रेस बनाउनतिर पार्टी सभापति शेरबहादुर देवाउ लाग्नुपर्छ । नेकपाले गल्ती गर्दा खराबमध्येको असल बनेर होइन व्यवहारमै असल बन्नु पर्छ ।
संविधानको मर्म विपरीत गरिने चुनावले फाइदा पुग्दैन भन्ने पनि देउवालाई राम्रैसँग थाहा होला । संविधान र लोकतन्त्र मै संविधान र लोकतन्त्र मासेर चुनावमार्फत सरकारमा जाने उनको मनसाय कांग्रेसको सिद्धान्त र बिचार मिल्दैन ।
ः
प्रधानमन्त्री केपी शर्मा ओलीको गोप्य भेटघाट र उनले दिएको आश्वासनमा देउवा मन्त्रमुग्ध भएर बसेको उनकै पार्टीका वरिष्ठ नेता रामचन्द्र पौडेल पक्षको आशंका छ । पौडेल पक्ष भने आन्दोलनबाटै ओलीलाई घुँडा टेकाउनुपर्छ भन्ने दिशामा अडिकछन् । यसमा कांग्रेस पनि दुई पक्ष विभाजित छन् ।
त्यसो त दाहाल-नेपाल समूह पनि देउवासँग सहकार्य गर्न आतुर छ । यतिखेर देउवाको झुकाव दाहाल नेपालतिर त्यति देखिदैन । उनलाई प्रधानमन्त्री ओलीले फकाइसेका छन् भन्ने आशंका बढेको छ् । पहिलो चुनाव सकिएपछि गुमनाम बनेका देउवा र कांग्रेसको चमक एकाएक फर्किएको छ । सर्वोच्च अदालतले जे फैसला सुनाए पनि देउवाकै पल्लाभारी हुने निश्चित छ ।
