नेपाली कांग्रेसका उपसभापति बिमलेन्द्र निधिले संसद् विघटनाकाे मुद्दालाइ सर्वोच्चले छिटो भन्दा छिटाे टुंगाे लगाओस् भन्ने चाहना व्यक्त गरेका छन्।
नेपाल प्रेस युनियन धनुषाले मंगलबार जनकपुरधाममा आयोजना गरेको पत्रकार सम्मेलनमा निधिले संवेदनशिल विषयमा निर्णय गर्न ढिलाइ गरिन नहुने भन्दै सर्वोच्चबाट संसद पुनर्स्थापना या निर्वाचनको जुनसुकै निर्णय आए पनि त्यसलाइ कांग्रेसले मान्ने बताए। कांग्रेस प्रतिनिधिसभा प्राप्त गर्ने दुवै विकल्पका लागि तयार रहेको उनकाे भनाइ थियाे।
प्रधानमन्त्री केपी शर्मा ओलीले गरेको प्रतिनिधिसभा विघटनको निर्णय अवैधानिक भए पनि निर्वाचनको घोषणा भने संवैधानिक भएको निधिकाे ठम्याइछ ।संसद् विघटन नभएको भए पनि कांग्रेस निर्वाचनको तयारीमा जुट्ने तरखरमा रहेकाे उनले जानकारी गराए।
प्रतिनिधिसभा विघटन असंवैधानिक भएको दाबीसहित सर्वोच्चमा परेकाे एक दर्जन बढी रिटमाथि संवैधानिक इजलासमा सुनुवाइ हुँदै आएको छ।