प्रमुख सत्तारुढ दल (नेकपा)को घर झगडाले उग्ररुप लिइरहेको बेलामा छिमेकी मुलुक भारतका विदेश सचिव हर्षवद्र्धन श्रृङ्गाला भोलि नेपाल आउँदैछन् ।
अन्तरद्धन्दले रापिएको नेकपालाई विदेश सचिव श्रृङ्गालाले सितल पार्छन या झन आगो झोसेर फर्कन्छन् त्यो त उनको भ्रमण लगत्तै छर्लङग हुन्छ । नेकपाको झगडाले गर्दा आन्तरिक राजनीतिमा छिमेकी चासो बढ्दै गएको छ ।
नेताहरुको चर्काे स्वर सुन्ने बित्तिकै नेपालका लागि चिनियाँ राजदूत हाउ यान्छी बालुवाटार,खुमलटार र सितलनिवासको ढोका ढकढक्याउन पुगिहाल्छिन् । पटक-पटक फुटको स्थितिमा पुगेको नेकपालाई राजदूत यान्छीले ने जोगाएको भन्ने कुरा पनि नेताहरुकै मुखबाट बेलाबखतमा फुत्किने गरेको छ।
यस पटक पनि उनको भेटघाटले केही मत्थर गराए जस्तो देखिए पनि फुटको सम्भावना भने टरेको छैन ।नेपाली राजनीतिमा विगत सात दशकदेखि दक्षिणी छिमेकीको चासो र क्रियाशीलता अहिले मत्थर भएको छ भने उत्तरी छिमेकीको सक्रियता बढेको छ।
नेपालको राजनीतिलाई दिल्लीबाट नियालिरहेको भारतले चिनियाँ राजदूतको सक्रियतालाई टक्कर दिन विदेश सचिवलाई खटाएको हो ।हिजोको दिनमा प्रजातान्त्रिक शक्ति सरकारमा हुँदा भारत हावी हुन्थ्यो भने अहिले नेपालमा कम्युस्टि सरकार बने यता चीनको सक्रियता बढको अनुमान गर्न सकिन्छ ।
सीमा विवादका कारण लामो समयदेखि नेपाल भारतबीच हुन नसकेको वार्ताको ढोका खोल्न विदेश सचिव हर्षवद्र्धनको भ्रमणले मद्दत गर्ने अपेक्षा एकातिर गर्न सकिन्छ भने अर्काेतिर नेकपाको झगडालाई नियालेर सल्लाह सुझाब दिने स्रोतको दावी छ ।
भारतीय प्रधानमन्त्री नरेन्द्र मोदीको दूतको रुपमा यहाँ आउन लागेका सचिव हर्षवद्र्धनले विशेषगरी नेकपा नेताहरुका लागि केही बुटी बोकेर ल्याउँदैछन् । झगडा कम गराउँने खालको ल्याउँदै छन् कि झन फाटो गराउँने खालको ल्याउँछन् त्यो त नेताहरुले गलामा झिर्ने बित्तिकै प्रतिक्रिया जनाउँ थालिहाल्छन् नि ।
भारतका गुप्तचर प्रमुखसँग प्रधानमन्त्रीले भेटेको कारणलाई पनि नेकपाको झगडाको एउटा विउ मानिएको छ । विदेश सचिव हर्षवद्र्धनले त्यो विरुवालाई मलजल गरेर फर्कन्छ कि उखेल्छन् भन्ने धेरैको चासो छ ।
परराष्ट्र सचिव भरतराज पौड्यालको मैत्रीपूर्ण निमन्त्रणामा आउँन लागेका भारतका विदेश सचिव हर्षवद्र्धनले नेपालका उच्चपदस्थ व्यक्तित्वसँग शिष्टाचार भेट गर्ने कार्यक्रम रहेको छ ।परराष्ट्र मन्त्रालयका अनुसार भ्रमणको पहिलो दिन नेपाल– भारत परराष्ट्र सचिवस्तरीय वार्ता हुने र त्यसमा द्विपक्षीय सम्बन्ध एवं सहयोगका विविध विषयमा विचारविमर्श हुने छ ।नेकपाको आन्तरिक राजनीतिमा छिमेकीले त्यतिकै चासो राख्दै हिड्ेका होइन् सोही पाटीका नेताहरुले त्यो अवसर जुटाएका हुन् ।