प्रधानमन्त्री केपी शर्मा ओलीको सचिवालयका सबै सदस्यले राजीनामा दिने भएका छन्।
मुख्य सल्लाहकार विष्णु रिमाल, विदेश मामिला सल्लाहकार राजन भट्टराई, जनसम्पर्क सल्लाहकार अच्युत मैनाली, स्वकीय सचिव इन्द्र भण्डारी, प्रेस सल्लाहकार कुन्दन अर्यालसहित सबैले राजीनामा दिने छन्।
मन्त्रिपरिषद् पुनर्गठनको तयारीमा रहेका प्रधानमन्त्रीलाई सहज बनाउन भन्दै सचिवालयका सबै सदस्यले मंसिरबाट लागू हुने गरी स्वच्छिक रुपमा राजीनामा दिन लागेको एक सदस्यले बताए। पछिल्लो समय सरकारको काम कारवाहीमाथि चर्को आलोचना हुन थालेपछि प्रधानमन्त्री ओलीले हिजो सचिवालयमा कार्यरत सबैलाई डाकेर राजीनामा दिन भनेका थिए।
प्रधानमन्त्री ओलीको सचिवालयमा कार्यरत कर्मचारीको काममाथि नेपाल कम्युनिस्ट पार्टी (नेकपा)कै नेता तथा कार्यकर्ताहरुले चर्को आलोचना गर्दै आएका छन्।