स्वास्थ्यका लागि बदामका फाइदा
मानिसमा मुटु रोगको समस्या बढ्दै गएको छ । जसका कारण मुटु रोगका कारण मृत्यु हुनेको संख्या पनि तिव्र गतिमा बढेको छ । आहार तथा पोषण विज्ञहरुका अनुसार स्वस्थ र पौष्टिक आहारले मुटु रोगको जोखिम कम गर्न सक्छ । बैज्ञानिकहरुको टोलीले यो आहारलाई मुटु रोग कम गर्न सहयोगी रहेको समेत बताएको छ ।
शोधकर्ताहरूका अनुसार बदामको दैनिक उपभोगले इस्केमिक स्ट्रोक वा हृदय रोगको जोखिम कम गर्छ। बदाम मुटु रोगको जोखिमबाट बच्न प्रभावकारी हुन्छ । जापानका मानिसहरु माथी गरिएको एक अध्ययनको नतिजाको आधारमा यो पनि दावी गरिएको थियो कि जो मानिसहरु दैनिक बदाम खान्छन उनीहरुको मुटु अरु मानिसहरु भन्दा स्वस्थ हुन्छ ।
यसअघि अमेरिकामा भएको एक अनुसन्धानले पनि बदामको सेवनले मुटुलाई बलियो बनाउँछ । यस अध्ययनको निष्कर्ष अमेरिकन हार्ट एसोसिएसनको जर्नल ‘स्ट्रोक’ मा प्रकाशित भएको छ । मुटुरोगीका लागि बदाम कति फाइदाजनक हुन्छ जानौँ ।
बदामले इस्केमिक स्ट्रोकको जोखिम कम गर्छ
जापानस्थित युनिभर्सिटी ग्रेजुएट स्कूल अफ मेडिसिनका प्राध्यापक र अध्ययनका प्रमुख लेखक सतोयो इकेहाराले अध्ययनले बदामको सेवनले इस्केमिक स्ट्रोकको जोखिमलाई धेरै हदसम्म कम गर्न सक्ने बताए।
अध्ययनको नतिजाले आफ्नो आहारमा बदाम समावेश गरेर गम्भीर समस्याबाट बच्न सकिन्छ भन्ने देखाएको छ । इस्केमिक स्ट्रोक मस्तिष्कको रक्तनलीहरूमा रगत जमेको कारणले हुने गम्भीर र जीवन-खतराको समस्या हो।
