अमेरिकामा एक नेपालीको हत्या भएको छ । भर्जिनिया राज्यको हेरन्डनस्थित सुनोको ग्यास स्टेसनमा काम गर्दै आएका रेशम बजगाईंको बुधबार बिहान सवा एक बजे हत्या भएको हो।
गोरखाका ४० वर्षीय बजगाईं हप्ताको एक दिन मात्र उक्त ग्यास स्टेसनमा काम गर्थे। ९ महिना अघि मात्रै अमेरिका आइपुगेका बजगाईँलाई अज्ञात समूहले कुटपिट गरेको बताइएको छ। टाउकोमा गहिरो चोट देखिएकाले धारिलो हतियार प्रहार भएको आशंका गरिएको छ।
बजगाईंकाको शब पोस्टमार्टमका लागि अस्पताल लगिएको र त्यसको रिपोर्ट भने आइनसकेको जनाइएको छ । उनको के कारणले हत्या भएको हो भन्नेबारे थाहा हुन सकेको छैन । अमेरिकी प्रहरीले पार्किङ क्षेत्रबाट शंकास्पद व्यक्तिलाई पक्राउ गरेपनि उनीहरुमाथि अनुसन्धान भइरहेको छ ।
बजगाईं श्रीमती र पाँच वर्षीया छोरीसँग बस्दै आएका थिए।
यसैबीच, गैर–आवासीय नेपाली संघ, भर्जिनियाले उनका परिवारको सहयोगका लागि सहयोग संकलन सुरु गरेको छ।