श्रीलंकामा भएको राष्ट्रपति पदको निर्वाचनको मत गणना शुरु भएको छ।
प्रारम्भिक परिणाम अनुसार पूर्व राष्ट्रपति महिन्दा राजपक्षेको दललाई बहुमत प्राप्त हुने अनुमान गरिएको छ। पूर्व राष्ट्रपति राजपक्षेका छोरा तथा पूर्व रक्षा मन्त्री गौतबाया राजपक्षे उम्मेदवार बनेका छन्।
राजपक्षेले अहिलेसम्म ५२.८७ प्रतिशत मत हासिल गरेका छन्। यस्तै पूर्व राष्ट्रपति रणसिंघे प्रेमदासाका छोरा सजीत प्रेमदासले ३९.६७ मत पाएका छन्। तेस्रो स्थानमा भने लेफ्ट पार्टीका कुमार दिसानायकेले ४.६९ मत ल्याएको अन्तर्राष्ट्रिय सञ्चारमाध्यमहरुले जनाएका छन्।
अगाडि रहेका राजपक्षेलाई सिंहली समूदायको बाहुल्यता रहेको क्षेत्रबाट बढी मत प्राप्त भएको जनाइएको छ। यस्तै प्रेमदासालाई श्रीलंकाको पूर्वी तथा उत्तरी क्षेत्रमा बस्ने अल्पसंख्यक तमिल समूदायको समर्थन छ। मत परिणाम आजै साँझ सम्ममा घोषणा हुने छ।
१ करोड ५९ लाख मतदाता रहेकोमा ८० प्रतिशत मतदानमा सहभागी भएका थिए। राष्ट्रपति पदमा ३२ जना उम्मेदवार छन्।