महिनावारी पनि निरन्तर जारी थियो। गर्भनिरोधक चक्की पनि लिइरहेकै थिइन्। दैनिक दिनचर्या जारी थियो। गर्भवति भएको महसुससम्म थिएन। कपडा सबै फिट थिए। ‘बेबी बम्प’ पनि थिएन। तर बाथरुम गएको बेला अचानक बच्चा जन्मियो। यो अचम्मको घटना हो अस्ट्रेलियाको।
अस्ट्रेलियाकी एक मोडल एरिन लेगमेन्डले अचानक छोरीलाई जन्म दिइन्। तर गर्भवती भएको उनलाई महसुसै भएन। २३ वर्षीय उनले गर्भको ३७ औं हप्तासम्म आफ्नो सेल्फी शेयर गरिरहिन्। त्यतिन्जेल पनि उनको शरीरमा कुनै परिवर्तन देखिएको थिएन।
उनका पार्टनर (पति) डेन कार्टीले स्थानीय मिडियासँग भने– जब लेगमन्ड अचानक चिच्चाएको सुनेर म बाथरुमतिर दौडें, त्यहाँ त भर्खर जन्मिएको शिशु थियो, बच्चा निलो भइसकेको थियो, यो देखेर म हडबडाएँ ।’ उनले लेगमन्ड गर्भवती भएको थाहा नभई बच्चा जन्मिएको देखेर आपूmू आश्चर्यचकित भएको बताए।
यद्यपि ८ पाउन्ड तौल भएको शिशुको अवस्था सामान्य र स्वस्थ छ। चिकित्सकका अनुसार यस्तो गर्भावस्थालाई क्रिप्टिक प्रेगनेन्सी भनिन्छ। एक अध्ययनअनुसार गोप्य रुपमा हुने यस्तो गर्भावस्था २५०० महिलामा १ जनामा हुन्छ, जसलाई बच्चालाई जन्म नदिएसम्म् गर्भावस्थाको महसुस नै हुदैन। ४७५ महिलामध्ये एक जनलाई भने २० हप्तापछिमात्र गर्भावस्थाको जानकारी हुन्छ। डाक्टरहरुले यसो किन हुन्छ भन्ने रहस्य अझै पत्ता लगाउन सकेका छैनन्।
लेगमन्डले सामाजिक सन्जालमा फोटो शेयर गर्दै भनेकी छन्– हाम्रो जीवनको सबैभन्दा कठीन साता।