असार पन्ध्र अर्थात १६ औं राष्ट्रिय धान दिवसको अवसरमा ठाउँ ठाउँमा धान रोपाई गरिएको छ । औपचारिकताका लागि गरिएका त्यस्ता कार्यक्रमहरुमा नक्कली किसानहरुको बढि ठेलमठेल देखिन्थ्यो । उनीहरु खेतमा पस्नुको मुख्य कारण काम गर्न भन्दा पनि फोटो खिचाउनका लागि गरिएको अभिनय प्रष्ट देख्न्थ्यिो ।
पानी तथा मल नपाएर तड्पिरहेका किसानहरुलाई धान दिवश हर्ष न विस्मात जस्तै थियो भने नक्कली किसानहरु वाजा गाजा बजाएर नाचगान गरि रमाएका थिए ।
यस्तो कार्यक्रमकोअ गुवाई स्थानिय सरकारहरुले गरेका थिए । रुपन्देहीका अधिकाश स्थानमा रोपाई महोत्सव नै गरिएको थियो । जहां स्थानिय तहका प्रमुख उपप्रमुखहरुको सहभागिता रहेको थियो ।
बुटवल उपमहानगरपालिकाले वडा न १४ नयांगाउमा रोपाई कार्यक्रम गरेको थियो । जहां नौमती बाजाको तालमा नाचगान गरिएको थियो । तामनगर सामुदायिक सिकाई केन्द्रको आयोजनामा भएको कार्यक्रम स्थानीय किसान बलबादुर क्षेत्रीको खेतमा रोपाई गरिएको थियोे ।
उता रुपन्देहीकै सैनामैनामा पनि धान दिवश विशेष कार्यक्रम गरि मनाईयो । सैनामैना नगरपालिकाका प्रमुख , उपप्रमुख सहित जनप्रतिनिधि स्थानीयको सहभागितामा सालझण्डीमा बाजा बजाउदै धान रोपिएको हो । सो अवसरमा अतिथिहरुलाई धानको विउको माला लगाएर कार्यक्रमको उद्घाटन गरिएको थियो ।
यस्तै रुपन्देहीको तिलोत्तमा नगरपालिकाले पनि १६ औं राष्ट्रिय धान दिवस मनाएको छ । वडा नं. १५ को सखुवानी डाँडा स्थित सुनकुमारी थापाको खेतमा रोपाइँ महोत्सव गरी नगरपालिकाले धान दिवस मनाएको हो । सहभागीहरुले पञ्चेबाजाको तालमा झण्डै दुई बिगाहा खेत रोपेका नगरपालिकाले दावी गरेको छ । उता रुपन्देहीको देवदहमा पनि धान रोपाई कार्यक्रम गरिएको छ । जन प्रतिनिधिहरुको टोली किसानको खेतमा पुगेर धान रोपेको जनाईएको छ ।