बहुप्रतीक्षित मेलम्ची खानेपानी आयोजनाको सुरुङको परीक्षण साेमबार परीक्षण सुरू गरिएकाे छ ।खानेपानी मन्त्री मणि थापा, विघटित प्रतिनिधिसभा सदस्य शेरबहादुर तामाङलगायतको उपस्थितिमा सुरुङमा पानी हालेर परीक्षण गरिएको हाे ।
विगतको जस्तो दुर्घटना नहोस् भन्नका लागि आयोजनाले यसपालि विशेष सतर्कता अपनाएको आयोजनाका कार्यकारी निर्देश तिरेश खत्रीले बताए। परीक्षणका क्रममा हेलिकोप्टरलाई तयारी अवस्थामा राखिएको छ ।
गत असारमै सुरुङमा पानी भनेर परीक्षण गर्दा फुटेर निस्केको पानीले आयोजनाका एक इन्जिनियर र चालकलाई बगाएको थियो। आवश्यक सम्पूर्ण प्राविधिक काम पूरा गरेसँगै साढे २६ किलोमिटर लामो सुरुङमा पानी भरेर परीक्षण थालिएकाे हाे ।खत्रीकाअनुसार सिन्धुपाल्चोकको मेलम्ची खोलादेखि काठमाण्डौको सुन्दरीजलसम्मको साढे २६ किलोमिटर सुरुङ भर्न १६ दिन लाग्नेछ ।
