नेपाल आयल निगमले मंगलबार राति १२ बजेदेखि लागू हुनेगरी खाना पकाउने ग्यासको मूल्य प्रतिसिलिन्डर २५ रुपैयाँ घटाएको छ।
निगमले ग्यासको मूल्य घटाएको भए पनि पेट्रोल, डिजेल र मट्टितेलको पैसा भने बढाएको छ। निगमका अनुसार पेट्रोलमा प्रतिलिटर १ रुपैयाँ, डिजेल तथा मट्टितेलमा ५० पैसा बढेको छ।
नयाँ मूल्यसूचीअनुसार प्रतिलिटर पेट्रोलको मूल्य १ सय ९ रुपैयाँ, डिजेल,मट्टितेल प्रतिलिटर ९७ रुपैयाँ पर्नेछ। यसैगरी खाना पकाउने ग्यासको मूल्य प्रतिसिलिन्डर १३ सय ७५ रुपैयाँ कायम भएको छ । निगमले हवाई इन्धनको मूल्य भने यथावत राखेको छ ।
