कलाकार हरिवंश आचार्यलाई कोरोना संक्रमण भएको छ।
आचार्य र उनकी श्रीमती रमिलामा कोरोना संक्रमण देखिएको हो। सोमबार स्वाब दिइएकोमा मंगलबार रिपोर्ट पोजेटिभ आएको आचार्यले फेसबुकमा उल्लेख गरेका छन्।
‘सामान्य लक्षण देखिएकाले हिजो मेरो र श्रीमती रमिलाको पिसिआर परीक्षण गरेका थियौं। हामी दुवैको कोरोना संक्रमण पुष्टि भएको रिपोर्ट आज आयो,’ आचार्यले फेसबुकमा लेखेका छन्।
आफूहरूसँग सम्पर्कमा रहेका सबैलाई होम आइसोलेसन बसेर परीक्षण गराउन आचार्यले आग्रह गरेका छन्। उनीहरूको स्वास्थ्य सामान्य छ।