अभिनेत्री साम्राज्ञी राज्यलक्ष्मी शाहले पाँच वर्षअघि आफूमाथि दुव्र्यवहार भएको बताएकी छन् । शाहले इन्स्टाग्राममा केही दिनअघि भिडियो पोस्ट गरेर आफूमाथि ठूला ब्यानरका चलचित्र निर्माताहरूबाट दुव्र्यवहार भएको बताएकी हुन् ।
त्यतिबेला आफू सानै भएकाले दुव्र्यवहारबारे सार्वजनिक गर्न नसकेको उनको दाबी छ । अभिनेत्री शाहले त्यति नै बेला पुलिस केस गरेको भए लाग्ने कुरा आफूलाई थाहा नभएकाले कानुनी उपचारमा नगएको बताएकी छन् ।
उनको भिडियो सार्वजनिक भएसँगै अभिनेता तथा निर्माता भुवन केसीले फेसबुकमा लेखेका छन, खान नपाएको भन्दै सामाजिक सञ्जालमा रोई कराई गर्ने हिरोइन अहिले कुन फिल्मको नाम बेचेर खाइरहेकी छिन? जुन थालमा खाने त्यही थालमा दुलो पार्ने । सामाजिक सन्जालमा गर्ने बराबर अभिनय फिल्ममा पनि गरे हुने ।
केसीको प्रतिक्रियापछि शाहले अर्काे भिडियो सार्वजनिक गर्दैै जापानमा आयोजित वल्र्ड फन्क्सन कार्यक्रममा पनि दुव्र्यवहार भएको बताएकी छन् ।
शाहले केही दिनअघि आफूमाथि दुव्र्यवहार भएको भिडियो सार्वजनिक गरेलगत्तै आफूभन्दा ठूलाबाट यस विषयमा सार्वजनिक रुपमा नबोल्न अनुरोध गरिएको बताइन ।
अभिनेत्री शाहले भिडियोमा आफूलाई सुटिङका बेला त्यो व्यक्तिले मुखमै आएर कुरा गर्ने गरेको तर आफूलाई मन नपरेको बताएकी छन् ।
उनले भनेकी छन्,एक जनाले के भन्नुभएको छ भने जुन थालमा खायो त्यही थालमा दुलो पर्याे । उहाँले मलाई राम्रो व्यवहार गर्नुहुन्थ्यो भने त्यो ठाउँ आउँथेन। यो अवस्था आएको नै उहाँले गर्दा हो।
उनले आफूमाथि दुव्र्यवहार गर्ने व्यक्तितर्फ संकेत गर्दै भनिन, उहाँहरुले नै काम दिनुभएको हो । उहाँहरुकै मुभी हिट भएको हो । उहाँले मलाई जति नै नराम्रो गरे पनि मिडियामा आउन दिएकी थिइनँ।
निर्माता भुवनलाई लक्षित गर्दै अभिनेत्री शाह भन्छिन्,त्यो स्ट्याटस लेख्ने व्यक्तिले जापानमा अवार्ड कार्यक्रम हुँदा नै बाबा हेर तँ त मेरो प्रोडक्ट हो। त्यो पुरानो कुरा कोट्याएर के फाइदा। यस्तो कुराहरू नगर भनेर मलाई सम्झाउनु भयो ।
भित्र मलाई घिन लागिरहेको थियो। त्यो कुरा गर्दा पनि टाँस्सिएर, फेरि त्यही व्यवहार। त्यही परभर्ट व्यवहार गालामै मुख ल्याएर बोलिरहेको थियो। हस दाइ भन्दै धकेलिदिएँ म जे बोल्दै छु यो सबै सत्य हो।
अभिनेत्री शाहले केही मिडियाले समाचारको घिनलाग्दो हेडलाइन राखेर बेइज्जत गर्दै आएकाले अन्तर्वार्ता दिन नचाहेकोसमेत बताइन् ।
